Presidenti amerikan Joe Biden ka reaguar ndaj vdekjes së kryeopozitarit Alexei Navalny në burgun e Rusisë, raporton BBC.

Në një fjalim në Shtëpinë e Bardhë, Bideni ka deklaruar se nuk është i befasuar me lajmin për vdekjen e Navalnyt, përcjell gazeta online Reporteri.net.

“Mos u gaboni. Putini është përgjegjës për vdekjen e Navalnyt”, ka thënë Bideni në këtë fjalim.

Ai ka thurur lavde për Navalnyn, për të cilin ka thënë se me guxim doli përballë dhunës nga regjimi i Putinit. Ai ka thënë se për guximin e tij është burgosur dhe helmuar. “Asgjë nuk e ndali atë”, ka thënë Bideni.