Presidenti rus Vladimir Putin i ka bërë dhuratë një automjet homologut të tij verikorean, Kim Jong-un.

Dhurata është shenjë e marrëdhënieve të mira mes shteteve, por ka shqetësuar Shtetet e Bashkuara të Amerikës.

Automjeti rus është për përdorimin personal të diktatorit verkorean dhe i është dorëzuar të dielën nga një delegacion rus, raporton CNN-i.

Zëdhënësi i Kremlinit, Dmitry Peskov ka thënë se automjeti është i llojit Aurus që prodhohet nga shteti rus që prej vitit 2018, përcjell gazeta online Reporteri.net.
Motra e diktatorit, Kim Yo Jong ka falënderuar Putinin, duke thënë se dhurata ishte shenjë e dukshme e marrëdhënieve personale mes liderëve.

Zyrtarët e inteligjencës amerikane kanë shprehur shqetësimet për nivelin e ri të partneritetit mes Koresë Veriore dhe Rusisë.

Rusia besohet se është furnizuar me raketa nga Koreja Veriore. Ndërkohë, SHBA-ja frikësohet se Korea mund të përdorë marrëdhëniet me Rusinë për t’u shkëputur nga ndikimi i Kinës.