Të paktën 60 ushtarë rusë janë vrarë kur një zonë e stërvitjes në lindje të Ukrainës është goditur nga dy raketa.

Burimet e afërta me situatën, kanë thënë për BBC-në se ushtria ishte mbledhur në rajonin e Donetskut për ardhjen e komandantit të ri.

Sulmi ka ndodhur pak orë pasi presidenti rus Vladimir Putin u takua me ministrin e Mbrojtjes, Sergei Shoigu, përcjell gazeta online Reporteri.net.

Në këtë takim, Shoigu i ka raportuar shefit të tij për suksesin në frontin e luftës dhe për pushtimin e qytetit Avdiivka, mirëpo nuk ka përmendur sulmin me dy raketa në Donetsk.

Një ushtar që i ka mbijetuar këtij sulmi, ka thënë se komandantët e brigadës kishin urdhëruar ushtarët që të qëndronin në fushë.

Ata dyshohet se janë sulmuar me dy raketa të lëshuara nga sistemi raketor HIMARS, prodhim i SHBA-së.