Presidenti i Shteteve të Bashkuara të Amerikës, Joe Biden është takuar sot me gruan dhe vajzën e opozitarit rus Alexey Navalny, që vdiq në burg javën që shkoi.

Lajmin e ka bërë të ditur vet presidenti Biden nëpërmjet një postimi në Facebook, transmeton gazeta online Reporteri.net.

“Sot, u takova me Yulia dhe Dasha Navalnaya – më të dashurat e Aleksey Navalny – për t’i shprehur ngushëllimet e mia për humbjen e tyre të rëndë”, shkruan në postimin e tij Biden.

Ai tha se se guximi dhe kuraja e Navalnyt do të jetojnë në Julian, Dashan dhe shumë rusë ë tjerë që po luftojnë për demokracinë dhe të drejtat e njeriut.