Ambasadori amerikan në Kosovë, Jeff Hovenier, uroi ekipin për femra U-18 në hendboll, dhe u tha që të vazhdojnë ta bëjnë krenare Kosovën.

“Urime të ngrohta për ekipin e Kosovës për femra U-18 në hendboll dhe Federatës së Hendbollit të Kosovës për fitoren tuaj historike dhe kualifikimin në Kampionatin Botëror. Ju vazhdoni ta bëni Kosovën krenare!”, shkroi ai në X.

Ndryshe të shtunën kombëtarja e Kosovës në Hendboll për grupmoshat U18 ka siguruar kualifikimin për në Kampionatin Botëror të Hendbollit që zhvillohet në Kinë.

Vajzat u bënë kampione të garës “IHF Trophy Intercontinental”, të mbajtur në Tashkent të Uzbekistanit.

Kosova mundi në finale Nigerinë, 22:16.

Kurti përgëzon çikat e Kosovës: Suksese në rrugëtimin e Botërorit

Çikat e Kosovës shkruajnë historinë, kualifikohen në Botëror