Ministrja e Punëve të Jashtme dhe Diasporës, Donika Gërvalla- Schwarz, foli rreth të ardhmes së Kosovës në konferencën “Diplomacia Parlamentare për Sigurinë dhe Integrimin Euro-Atlantik”.

Gërvalla tha se beson se vendi në vitin 2030 do të jetë pjesë e NATO-s dhe Bashkimit Evropian, shkruan Reporteri.net.

“Nuk varet vetëm nga Kosova se ku do të gjendemi. Deri në vitin 2030 shumë gjëra do të ndryshojnë dhe projektimet tona më të mira mund të ndodhin deri atëherë. P.sh duhet të kemi një gjuhë të qartë, për pengesat që po e pengojnë rajonin tonë. Pra, të gjithë miqtë, aleatët, partnerët tanë, si do të jenë të pranishëm duke dhënë sinjalet e duhura se luftërat në të ardhmen nuk do të tolerohen”, tha Gërvalla.

Ajo u shpreh se nëse këto nuk parandalohen, atëherë rajoni do të jetë në një pozicion sikur në vitet e 90-ta.

“Është shumë pyetje e vështirë kjo sepse nuk varet vetëm nga Kosova se ku do të gjendemi në vitin 2030. E di që deri në atë vit shumë gjëra duhet të ndryshojnë dhe projektimet tona më të mira mund të ndodhin deri atëherë. Për shembull duhet të kemi një gjuhë të qartë dhe pengesa për ata që e pengojnë rajonin tonë… pra të gjithë në çfarë mënyre, partnerët tanë, miqtë tanë që do të jenë të pranishëm në rajon duke dhënë sinjale të duhura që luftërat në të ardhmen nuk do të tolerohen por për t’i parandaluar duhet të veprojmë me të tashmen përndryshe do të jemi në të njëjtën pozitë sikurse në vitet 90’ dhe nëse nuk përdorim parandalimin atëherë do të jemi tepër të zënë për të gjetur strategjitë e duhura për të përfunduar diçka që do të mund ta parandalonim lehtë po të kishte vullnet të mirë, analizë dhe persona të duhur. Në vitin 2030, në NATO dhe në BE”, tha ajo.

Ndërkaq teksa foli për gjendjen aktuale në rajon, Gërvalla thotë se derisa po bëjnë punën e tyre, kanë një rrugë të qartë në drejtim të shtetit të së drejtës dhe demokracisë.

“Besoj që ne e bëjmë punën tonë në shtëpi dhe kemi një rrugë të qartë në drejtim të shtetit të së drejtës, demokracisë… njëkohësisht duke përdorur dialogun me diplomacinë për të treguar se sa vendimtare është të kesh një strategji, ta shpjegosh dhe të qëndrosh pas asaj strategjie”, tha ajo.

Këtë deklaratë, Gërvalla e tha në debatin me temën: Diplomacia Parlamentare për Sigurinë Rajonale dhe Integrimin Euro-Atlantik”.

Hovenier: Do të kishim sjellje ndryshe ndaj Kosovës po të kryente obligimet e saj – s’na duket që qeveria po punon në kërkesat tona