Kryeministri i Kosovës Albin Kurti, ka njoftuar se janë certifikuar 180 asistentë për fëmijët me nevoja të veçanta.

Përmes një postimi në Facebook, Kurti tha se të drejtat e personave me nevoja të veçanta, aq më tepër të fëmijëve, meritojnë vëmendje të përhershme, duke premtuar kështu mbështetjen e duhur të qeverisë për ta.

Shkrimi i plotë: 
180 asistentë për fëmijët me nevoja të veçanta të gjeneratës së pestë u certifikuan sot. Deri tani kemi 409 asistentë të kualifikuar, 65 në kualifikim e sipër, 250 asistentë të punësuar, dhe 250 të tjerë që do të punësohen në vijim.
Të drejtat e personave me nevoja të veçanta – aq më tepër të fëmijëve – meritojnë vëmendje të përhershme dhe kujdes të specializuar institucional dhe shoqëror, andaj si Qeveri do të vazhdojmë mbështetjen e duhur për ta.