Ish-ministri i Mbrojtjes, Armend Mehaj, është emëruar këshilltar i jashtëm i kryeministrit Albin Kurti në kuadër të Grupit Ballkanik për Politika.

Lajmin për gazetën online Reporteri.net,  e ka konfirmuar drejtori Grupit Ballkanik për Politika në Prishtinë, Naim Rashiti.

“Po është këshilltar i jashtëm si shumë të tjerë që kemi nëpër institucione”, tha Rashiti për gazetën online Reporteri.net.

Gazeta online Reporteri.net për këtë çështje i ka shkruar edhe Zyrës së kryeministrit, mirëpo deri më tani nuk ka marrë një përgjigje.

Në gusht të vitit të kaluar, Mehaj kishte dhënë dorëheqje nga posti i tij duke e arsyetuar atë me “shkaqe familjare”. Ai u pasua nga ministri aktual, Ejup Maqedonci.

Ditë më parë,  ish-ministri Mehaj ka pranuar “Medaljen për Shërbim të Shquar”, nga ministri i Mbrojtjes, Ejup Maqedonci. /Reporteri.net/