Kryeministri i Shqipërisë, Edi Rama, ka uruar besimtarët myslimanë për nisjen e Ramazanit.

Ai ka uruar që ky muaj të sjell afrim në besim dhe ndriçim të brendshëm në rrugën e të gjithë besimtarëve.

“Sjelltë ky muaj i tyre i shenjtë afrim në besim dhe ndriçim të brendshëm në rrugën e tyre dhe të të gjithëve bashkë, me paqe dhe bekime. Ushqeftë kjo ngjarje vjetore shpirtin e unitetit dhe përkushtimit ndaj tjetrit, pa dallim e përjashtim, duke pastruar e pasuruar mendjet e zemrat e këtij vendi që sot ka nevojë të rritet dhe ngjitet lart në krahët e të gjithëve. Ramazan të paqtë e bujar”, ka shkruar Rama në Facebook.