Nënkryetarja e Lëvizjes Vetëvendosje, Fatmire Kollçaku ka thënë se keqqeverisja e PAN-it e ka varfëruar qytetarin, duke ia humbur shpresën se ndonjëherë do të bëhet mirë në këtë vend.

Ndaj kësaj deklarate ka reaguar deputetja e AAK-së, Teuta Haxhiu, e cila thotë se ikja e qytetarëve ka ndodhur gjatë qeverisjes së Isa Mustafa, të cilën VV e quan profesor.
Ajo ndërkaq thotë se VV e sulmoi pronën e Mustafës, dhe më pas harroi gjithçka, dhe ju përul verbërisht për të ardhur në pushtet, shkruan Reporteri.net.

“Sa për t’ia rikujtuar znj Fatmire të VV !
Ikja e 150 000 qytetarëve ka ndodhur pikërisht gjatë qeverisjes së Isa Mustafës “ profesorit të ditëve të fundit” të cilit ia sulmuat edhe pronën e familjen ndërsa për rreth një vit me radhë iu përulet verbërisht , me të vetmin qëllim;ardhjen në pushtet dha katandisjen e vendit me metodat që vetëm ju i dini. Por profesori iu la me “gishta në gojë” përderisa nuk ju ka mbetur gjë tjetër përveçse të merreni me sajime të tilla të paqëndrueshme, njëjtë siç është i paqëndrueshëm edhe kursi juaj politik”, ka shkruar Haxhiu në Facebook.

Ajo më tej thotë se Haradinaj do të jetë kryeministër edhe pas 6 qershorit.

“Sa për dijeninë e zonjës Kollçaku, Qeveria Haradinaj do të vazhdoj punën edhe pas 6 tetorit për të realizuar projekte akoma më të mëdha dhe vendime dinjitoze në fuqizimin e shtetit të Kosovës 100%”, ka shkruar ajo. /Reporteri.net./.