Ish i dërguari i SHBA-së për Ballkanin Perëndimor, Richard Grenell ka treguar se pse dhëndri i Donald Trump, Jared Kushner, është interesuar për Shqipërinë për të bërë një investim mbi 1 miliard dollarë në Sazan dhe Zvërnec.

Grenell ka thënë se duan të ndërtojnë diçka moderne, teksa projektin e ka vlerësuar se do të jetë “xhevahir për të gjithë botë, jo vetëm për rajonin”.

“Amerikanët kanë investuar prej kohësh në Greqi. Janë të shumë amerikanët që kanë investuar aty. Por ka ardhur kohë të gjejmë zona të reja. Njerëzit gjithnjë duan të dinë se çfarë të rejash ka, çfarë ka më mirë. Ne eksploruam të gjithë rajonin dhe investimin e njoftuam edhe në Serbi. Do të zhvillojmë plot projekte të reja, ky është vetëm fillimi.

Ku duhet investuar në Shqipëri? Morëm kohë, bëmë kërkim, folëm me shumë persona dhe vendosëm për zonën më të mirë. Ne duam të ndërtojmë diçka moderne, për të cilën shqiptarët të ndihen krenarë. Mendojmë se do të jetë një

Përgjigjja është se kemi folur me shumë njerëz, me shumë ekspertë, disa i sollëm në vend përpara se të vendosnim ç’të bënim. Sollëm ekspertë amerikanë dhe perëndimorë për të parë zonën, terrene të ndryshme dhe për të përgatitur planin e veprimit”, ka thënë Grenell për Tv Syri.