Misioni i Shteteve të Bashkuara të Amerikës në OSBE ka publikuar deklaratën për 25 vjetorin e sulmeve ndaj caqeve serbe.

Në këtë deklaratë thuhet ishin shteruar rrugët diplomatike ndaj asaj që po ndodhte, spastrimi etnik i shqiptarëve të Kosovës nga regjimi i Millosheviqit.

Në këtë dekalratë përmendet të vrarët, të pagjeturit e të dëbuarit nga regjimi që aso kohe drejtonte Jugosllavinë.

“25 vjet më parë, pasi kishte shteruar të gjitha rrugët diplomatike, NATO nisi Operacionin Forcat Aleate. Ky operacion kishte një qëllim: t’i jepte fund fushatës brutale të spastrimit etnik të regjimit të Millosheviqit në Kosovë. Ky përdorim i forcës u bë i nevojshëm në dritën e krizës së rëndë humanitare, rritjes së numrit të refugjatëve dhe kërcënimit për paqen ndërkombëtare të paraqitur nga regjimi etnonacionalist i Millosheviçit. Një çerek shekulli më vonë, ne u bëjmë thirrje të gjithëve në rajon që të përqendrojnë përpjekjet e tyre në ndërtimin e një të ardhmeje të qëndrueshme, të begatë, multietnike dhe të sigurt për Ballkanin Perëndimor”, thuhet në deklaratë.