Ministria e Infrastrukturës dhe Transportit bën të ditur se se për shkak të aktiviteteve për instalime të sistemeve të automatizuara të trafikut dhe për sigurinë publike, është e nevojshme mbyllja e përkohshme e rrugës Nacionale N2 (Zona e Rrëshqitjes).

Kjo rrugë sipas MIT do të mbyllet nga 3 deri më 6 shtator 2019 – mbyllje e përkohshme 08:00 – 17:00, shkruan Reporteri.net.

Nga MIT kërkojnë mirëkuptim nga ana e pjesëmarrësve në komunikacion, të cilëve u bëjnë thirrje të përdorin rrugët alternative.

Tash në këtë rajon kalon edhe autostrada “Arbën Xhaferi”, e cila mund të përdoret nga qytetarët që destinacion nuk kanë Kaçanikun.

Sidoqoftë, kjo rrugë është bllokuar për disa herë me radhë, pasi rrëshqitjet e dheut kanë qenë të vazhdueshme në disa pjesë./Reporteri.net