Në takimin me qytetarë në Klinë, kryeministri në largim Ramush Hradinaj, ka vlerësuar lartë zëvendësministrin e jashtëm Anton Berisha, duke e quajtur kujdestar të mirë në temat nacionale.

“Në Ministrinë e Jashtme, Anton Berisha ka qenë një kujdestar i mirë i temave të interesit nacional”, ka thënë nder tjera Haradinaj.

Kjo, në fakt, mund të konsiderohet si goditje indirekte ndaj ministrit të jashtem në largim Behgjet Pacolli, me të cilin Haradinaj vazhdimisht ka hasur në pengesa për zbatimin e politikave të tij, dhe ato pikërisht ka gjetur mënyra për t’i realizuar përmes zëvendësministrit Anton Berisha.

I tillë ka qenë edhe rasti i debimit të pjesëtarit rus të UNMIK-ut, kur pas refuzumit të Pacollit, vendimi për dëbim ishte marrë nga zevendësi i tij, Berisha.

Poashtu, tema e ndarjes së Kosoves, si një nder pikat kryesore që Haradinaj kundërshtonte gjatë këtij mandati, ishte bërë mollë sherri, jo vetëm ndërmjet Pacollit e Berishës, por edhe në përgjithësi ndaj koalicionit.