Në shkollën fillore “Ismail Qemaili” në lagjen Bair të Mitrovicës, Bahtiri është penguar nga banorët ta presë shiritin e kësaj shkolle. Në video shihet se si një qytetar nuk lejon në asnjë mënyrë që Bahtiri ta presë shiritin.

E disa orë pas këtij incidenti, Bahtiri për T7 ka deklaruar se personi që e ndaloi atë ta priste shiritin është militant i PDK-së. Ai thotë se personi kërkonte që Veseli ta priste shiritin.

“Sulmin e ka marrë nga militantët e PDK-së. U sulmova nga njeriu i cili thoshte se Veseli duhet ta priste shiritin. Unë i thashë se nuk është kryetar Kuvendit. Për këtë arsye nuk jam lejuar që të shkoj te shkolla”, ka thënë Bahtiri.

E i menjëhershëm ka qenë reagimi i një qytetari tjetër, i cili me gërshërë në dorë thotë “këtë shirit e pres unë”, teksa dëgjohen të brohoritura “bravo”.