Qiellit mbi Obiliq mëngjesin e sotëm dukej i errët për shkak të tymit që po lëshonte KEK-u.

Për këtë reaguan edhe ministrat Valdrin Lluka dhe Fatmir Matoshi. Ky i fundit dërgoi edhe inspektoratin për të parë gjendjen, shkruan Reporteri.net.

Por, për KEK-un, kjo gjendje është normale dhe zgjatë vetëm disa orë derisa të futet në sistem dhe të fillojë ndezja e gjeneratovë të thëngjillit.

“Kjo është si rezultat i ndezjes së gjeneratorëve me anë të djegies me naftë dhe zgjatë disa orë derisa të hynë në sistem dhe të fillon ndezja e gjeneratorëve me thëngjill.  Prandaj, i kemi njoftuar qytetarët dhe organet përgjegjëse së se kjo do të ndodhë gjatë fazës se kthimit të blloqeve në prodhim pasi kemi përmbyllur me kohë të gjitha remontet në blloqet e TC-A dhe TC-B në mënyrë që nga shtatori t’i kemi të gjitha kapacitetet në dispozicion të prodhimit të energjisë elektrike.  Ajo qe shihet sot është si rezultat i kthimit në prodhim të “Bllokut A3” cili ka qenë në revizion të përgjithshëm, i ndalur për 4 muaj rresht”, thuhet në komunikatën e KEK-ut.

Ndërkaq, ata shtojnë se ky tym i theksuar bëhet vetëm në këtë fazë dhe është i pashmangshëm për të krijuar mundësitë për prodhim të rrymë për sezonin dimëror.

“Gjithnjë duke u bazuar në programin e dhënë nga OE, gjatë kësaj kohe në dalje të oxhakut do të jetë prezentë tymi pak me i theksuar si dhe zhurma që do paraqitet gjatë testimit. Gjatë fazës së startimit të njësisë gjeneruese situatë e tillë (tym më i theksuar) është e pashmangshme. Pavarësisht kësaj, ne mbesim me shpresë që do të kemi mirëkuptimin e gjithë qytetarëve sepse kjo është forma e vetme e cila na mundëson që qytetarëve të vendit të ju ofrojmë stabilitet energjetik edhe gjatë sezonit dimëror”, thuhet tutje aty./Reporteri.net