Nënkryetarja e PDK-së, Vlora në 25 vjetorin e fillimit të bombardimeve të NATO-s, ka publikuar një fotografi me ish-presidentin amerikan, Bill Klinton, ndërsa ka thënë se Kosova do të jetë përjetësisht falënderuese, shkruan Reporteri.net.

Ajo ka kujtuar kohën kur 25 vite më parë NATO ndërhyri ushtarakisht në mbrojtje të popullit të Kosovës.

“Përjetësisht, faleminderit!
Si sot, 25 vite më parë, NATO ndërhyri ushtarakisht, në mbrojtje të popullit të Kosovës, dhe përpjekjeve tona për dinjitet dhe liri”, ka shkruar Çitaku.

Njëzet e katër marsi i sivjetmë shënon 25-vjetorin e fillimit të sulmeve ajrore të Organizatës së Traktatit të Atlantikut Verior, e njohur gjerësisht si NATO, kundër objektivave ushtarake dhe policore jugosllave në territorin e Kosovës.