Transportuesit ilegalë kanë qenë sot cak i Inspektoratit të Komunës së Prishtinës dhe Policisë së Kosovës, në një aksion që ka nisur nga dje, shkruan gazeta online Reporteri.net.

Drejtori i Inspektoratit të Kryeqytetit, Florian Dushi, ka thënë se po bëhet inspektimi i linjave të autobusëve dhe taksive ilegalë.

“Jemi në një aksion që po vazhdon prej dje, dhe ka për qëllim kontrollin dhe inspektimin e linjave të autobusëve, taksive ilegal, taksive pa leje, por edhe autobusëve. Këto janë disa çështje që po ndikojnë negativisht në komunikacion dhe kemi vendosur disa pika kontrolli në kryeqytet”.

Ai ka paralajmëruar se aksioni do të vazhdojë edhe në ditët në vijim./Reporteri.net/