Gjatë ditës së djeshme u publiku një video ku një Ferrari i bardhë kishte marrë flakë në një autostradë në Itali, video të cilën e kishte incizuar një kosovar tjetër që kishte rastisur aty afër, shkruan Gazeta Online Reporteri.net.

Sipas medias zvicerane “Blick” i vdekur ka mbetur kosovari, H. Qestaj i cili ishte Dj.

Sipas raportimeve, Ferrari GT C4 i bardhë po udhëtonte me mbi 200 km/h. Nga moti me shi, vetura ka rrëshqitur dhe është përplasur e që më pas ka shpërthyer në flakë.

Siç raporton media zvicerane, të shtunën në mbrëmje – vetëm disa orë para vdekjes së tij – DJ luajti në një klub në kantonin e Valais, më pas u nis për në Itali me Ferrari.

Vëllai i tij, A.Qestaj 41-vjeçar, ka konfirmuar se i vdekuri ishte vëllai i tij dhe se Ferrari i përkiste atij, dhe se siç ka thënë ai, nuk e di se si ka ndodhur aksidenti, por që vëllai tjetër që jeton në Itali po merret tani me gjithçka.

Sipas mediave italine, viktima tjetër është një grua./Reporteri.net/