Tre fëmijë të moshës 13-vjeçare janë plagosur gjatë të shtënave në një shkollë të qytetit Vantaa në Finlandë, raporton BBC.

Policia ka njoftuar se incidenti në shkollën Viertola ka ndodhur para orës 9 të mëngjesit teksa ka lutur banorët e lagjes që të qëndrojnë nëpër shtëpi.

Sipas policisë, i dyshuari 13-vjeçar, është arrestuar.

Shkolla ka 800 nxënës dhe 90 punëtorë.

Pas festës së Pashkëve, fëmijët sapo ishin kthyer pas një pushimi.

Shkolla ka nxënës nga mosha shtatë deri në 15-vjeç. Shërben edhe si shkollë fillore dhe e mesme me dy objekte të ndryshme.

Finlanda njihet si shtet i gjahtarëve dhe meraklinjve të armëve. 430 mijë persona kanë armë me leje.