Një hetuesi policor të nacionalitetit serb, u raportua se  i është djegur vetura sot në veri të Mitrovicës.

Nga Prokuroria Themelore e Mitrovicës kanë thënë se dyshohet se vetura i është djegur qëllimshëm, shkruan gazeta online Reporteri.net.

Në lidhje me këtë është iniciuar rast për veprën penale “Zjarrëvënia”.

“Dyshohet që është djegie e qëllimshme, është njoftuar prokurori kujdestar i Prokurorisë Themelore në Mitrovicë, dhe ka urdhëruar që të iniciohet rast për veprën penale “Zjarrëvënia”, në bashkëpunim me policinë janë duke u ndërmarrë veprime hetimore që të zbulohen kryerësit”, ka thënë  për Reporteri.net. zëdhënësi i kësaj prokurorie, Valon Preteni

Siç u raportua, ngjarja ka ndodhur sot rreth orës 05:00.

Nuk pati tjetër përveç dëmeve materiale të veturës “Dacia” me targa serbe, e cila u dogj tërësisht.

Mediumi lokal “Kossev” ka publikuar edhe pamjet e veturës së djegur. /Reporteri.net/