Kompania Kosovare për Distribuim me Energji Elektrike, KEDS, ka njoftuar para pak çastesh se prishja në nënstacionin Prishtina 3 vazhdon, shkruan Reporteri.net.

KEDS ka njoftuar se ka angazhuar dhjetëra punëtorë që të rikthejë në punë sa më shpejt Nënstacionin Prishtina 3 të KOSTT-it.

Megjithatë, nuk ka treguar se kur janë gjasat që rryma të kthehet.

“Ekipet tona tashmë kanë përgatitur asetet e KEDS-it dhe jemi në pritje të përfundimit të punimeve nga ana e KOSTT-it, të cilët gjithashtu janë në vlugun e punës që ta rikthejnë sa më shpejt energjinë elektrike”, njoftoi KEDS-i.

KEDS-i mbrëmë njoftoi se rreth 10 mijë konsumatorë janë ende pa rrymë./Reporteri.net/.

KEDS-i publikon foto nga punimet në nënstacionin ‘Prishtina 3’, 10 mijë konsumatorë ende pa rrymë