Kompania Rajonale e Ujësjellësit “Prishtina”, thotë se palë të treta po dëmtojnë gypat e ujësjellësit, duke punuar.

Sipas kësaj kompanie, kjo është një dukuri pothuajse e përditshme.

“Dëmtuan gypin fi 250 mm në rrugën “Ali Vitia” në lagjen Kalabria në Prishtinë. Për këtë rast është njoftuar Inspektorati komunal”, thuhet në postimin e KRU-së në Facebook.

“Ekipet teknike fantastike të KRU” Prishtina” janë në vendin e ngjarjes për të sanuar defektin dhe po bëjnë çmos që furnizimi me ujë të rikthehet sa më shpejtë në rrugën e lartëcekur”, thuhet gjithashtu në njoftim.