Një nga mësuesit në shkollën “Viertola” ku dhe ndodhi sulmi të martën e kaluar, bëri që 12-vjeçari të largohej nga vendi pasi veçse kishte goditur tre nxënës të moshës së tij, përcjell Reporteri.net.

Mediat finlandeze raportojnë se një mësues rastisi aty, dhe duke i folur 12-vjeçarit e kishte bindur atë që të largohej nga aty.

“Veprimi ka qenë shembullor në kuptimin që veprimet e të dyshuarit janë ndikuar në atë situatë”, tha Marko Särkkä, komisioner për krimet në Departamentin e Policisë Lindore të Uusimaas.

Një djalë vdiq nga të shtënat që ndodhën të martën e kaluar në shkollën Viertola në Vantaa. Dy vajza u plagosën rëndë, e që ajo nga Kosova është në gjendje kritike.

Sipas Marko Särkä, policia është ende duke hetuar nëse viktimat janë zgjedhur rastësisht apo nëse ata kanë qenë objektivat e zgjedhur nga sulmuesi.

Policia tha sot në mëngjes se sulmuesi u largua pasi doli nga shkolla me sa duket pa qëllim drejt Siltamäki në anën e Helsinkit.

Policia e arrestoi atë rreth një orë pas të shtënave.

Sipas policisë, në të shtënat djali kishte përdorur një armë që ia kishte marrë një të afërmi, pa leje./Reporteri.net/