Policia e Kosovës ka njoftuar se kanë identifikuar dhe arrestuar edhe një të dyshuar për një vjedhje të rëndë që kishte ndodhur muajin e kaluar në Suharekë.

Siç njofton policia, gjatë kontrollit tek i dyshuari janë gjetur dhe sekuestruar një sasi e konsiderueshme e stolive të arit, argjendit dhe disa orë dore.

Po ashtu në cilësi të provave materiale është sekuestruar edhe një veturë. I njëjti pas intervistimit është dërguar në mbajtje.

“Fsh. Sopijë, Suharekë 29.03.2024 – 18:50. Njësitet policore pas hetimeve të zhvilluara lidhur me rastin, me 09.04.2024 kanë identifikuar dhe arrestuar edhe një të dyshuar tjetër mashkull kosovar Gjatë kontrollit tek i dyshuari janë gjetur dhe sekuestruar një sasi e konsiderueshme e stolive të arit, argjendit dhe disa orë dore. Po ashtu në cilësi të provave materiale është sekuestruar edhe një veturë. Në konsultim me prokurorin, i dyshuari pas intervistimit është dërguar në mbajtje”, thuhet në raportin 24 orësh të Policisë së Kosovës. /Reporteri.net/