OJ Simpson, ish-ragbisti amerikan, i cili ishte liruar nga burgu për vrasje të dyfishtë, ka vdekur në moshën 76-vjeçare, raporton BBC.

Orenthal James Simpson u bë i njohur si ragbist kolegji, para se të luante në NFL.

Në vitin 1995, ai u gjykua për vrasjen e ish-bashkëshortes Nicole Brown dhe shokut të saj. Procesi gjyqësor tronditi Amerikën.

Në vitin 2008, ai u dënua me 33 vjet burgim për akuzat për plaçkitje të armatosur. Ai u lirua në vitin 2017.

Familja ka deklaruar se ai ka vdekur nga sëmundja e kancerit.

Deri në vitin 1994 njihej si atlet profesionist dhe aktor i shumë reklamave për kompanitë amerikane. Mirëpo ishte arrestuar si i dyshuar për vrasjen e Brown dhe Ron Goldman.

Gjykimi i tij ishte njëri prej më të famshmëve në Amerikën e shekullit 20. Prokurorët kanë argumentuar se Simpson e vrau Brown për xhelozi. Provat e paraqitura në gjykatë përmbanin gjak dhe flokë që e lidhnin Simpsonin me vrasjet. Mbrojtja kishte insistuar se Simpson ishte mashtruar nga policia që ishte e motivuar nga racizmi.

Lirimi i tij ishte shumë kundërthënës.