Parlamenti gjerman ka miratuar ligjin që lehtëson ndryshimin e gjinisë, raporton BBC.

Me këtë ligj gjithashtu janë miratuar disa gjoba për rrethana specifike siç janë zbulimi i emrit ose gjinisë së mëparshme, pa pëlqimin e atij personi, përcjell gazeta online Reporteri.net.

Më parë, ndryshimi i gjinisë mund të bëhej me certifikatë të mjekut dhe miratimin nga gjykata familjare.

Tani, të gjithë personat mbi moshën 18-vjeçare, mund të ndërrojnë gjininë.

Tre muaj pas kërkesës për ndryshim të gjinisë, aplikantët duhet të paraqiten në zyrën për regjistrim.

Publikimi i qëllimshëm i emrit apo gjinisë së mëparshme të dikujt, mund të gjobitet deri në 10 mijë euro.