Kryetari i Drenasit, Ramiz Lladrovci, ka deklaruar pasurinë në Agjencinë për parandalimin e korrupsionit.

Ai ka deklaruar shtëpi, banesa, tokë, lokal, trual në vlerë të përgjithshme rreth 900 mijë euro, shkruan Reporteri.net.

Lladrovci ka deklaruar tri vetura në emër personal, njëra Audi në vlerë 40 mijë e 500 euro, një veturë tjetër Audi në vlerë 31 mijë euro dhe një Mercedes në vlerë 15 mijë euro, shkruan Reporteri.net.

Ai ka deklaruar edhe dy vetura tjera në emër të fëmijëve, njëra Suzuki në vlerë 23 mijë e 500 euro dhe tjetra Wolsvagen në vlerë 9 mijë e 500 euro.

Lladrovci ka deklaruar në emër personal para të ruajtura në bankë në vlerë 17 mijë e 941 euro, dhe 4 mijë e 209 euro në emër të gruas, kurse në emër të fëmijëve ka deklaruar para të ruajtura rreth 49 mijë euro.