Ksenija Bozhoviq, nënkryetare e Iniciativës Qyetare dhe njëra nga bashkëpunëtoret e ish-liderit Oliver Ivanoviq, për herë të tretë është ftuar për t’u intervistuar nga Prokuroria Speciale, raporton KTV.

Ajo ka thënë se është e pakuptimtë që bashkëpunëtorët më të ngushtë të Ivanoviqit të merren në pyetje derisa vrasësi të sillet i lirë.

Bozhoviq ka deklaruar se do t’i përgjigjet të gjitha pyetjeve të Prokurorisë, porse “ata duhet të mos vazhdojnë me maltretime të tilla të marrjes në pyetje kaq shpesh”.

Ajo është e ftuar për intervistim në cilësinë e dëshmitares në lidhje me vrasjen e Oliver Ivanoviqit.