Policia e Kosovës në ueb faqen e saj ka shpallur rezultatet e kontrollimit mjekësor të mbajtur nga 06.08.2019 deri më 30.08.2019 në klinikën kirurgjike “Aloka” në Prishtinë.

Në njoftimin e bërë nga Policia e Kosovës thuhet se, kandidatët të cilët kanë dështuar në test psikologjik kanë të drejtë ankese.

Ankesa duhet t’i adresohet Komisionit përzgjedhës në afatin prej pesë ditëve kalendarike, nga dita e publikimit të rezultateve.

Ankesat duhet të dorëzohen nëpër Drejtoritë Rajonale përkatëse të Policisë së Kosovës.

Kujtojmë se interesimi i të rinjve dhe të rejave nga të gjitha komunitetet ka qenë mjaft i madh për t’u bërë pjesë e Policisë së Kosovës dhe për t’i shërbyer vendit dhe qytetarëve.

Testit psikologjik iu kanë nënshtruar gjithsej 510 kandidatë. /Reporteri.net/.