Të reshura shiu do të vazhdojnë edhe orëve të mëngjesit lokalisht. Vranësirat mbesin më dominuese edhe të premtën, e të reshura lokale shiu paraqiten edhe pasdite dhe në mbrëmje.

Temperaturat minimale zbresin në 9C e 11C, ndërsa ato maksimale më të ulëta se sot, shkojnë vetëm deri në 14C e 16C. Do të fryjë erë jugperëndimore mesatare dhe mesatarisht e fuqishme 4-15m/s.

Vransira e të reshura shiu parashihen edhe për ditën e shtunë, duke pushuar më vonë pasdite e vranësirat fillojnë të shpërndahen, njofton Prishtina Weather.

Temperaturat shënojnë rritje deri në 17C e 18C. Nga e diela më shumë intervale me diell, ndërsa të reshurat mbesin si mundësi përreth viseve malore. Temperaturat në fillim të javës shkojnë deri në 22C e 24C.