Policia e Kosovës po zhvillon një aksion në veri të vendit, pasi dyshohet se në disa biznese po zhvillohet veprimtari e kundërligjshme.

Kjo është konfirmuar për gazetën online Reporteri.net nga zëdhënësi i policisë për rajonin e veriut, Veton Elshani.

I njëjti ka bërë të ditur se këto biznese, me vendim të prokurorit janë duke u kontrolluar.

Poashtu ai tha se në këtë aksion janë edhe Administrata Tatimore e Kosovës.

“Në bazë të informacioneve të pranuara se në disa biznese në Veri të vendit është duke u zhvillu veprimtari e kundërligjshme, me autorizim të prokurorit kemi ndërhy dhe të njëjtat jemi duke i kontrollu. Me neve është edhe ATK”, tha Elshani për Reporteri.net.