Bullgaria do të nisë një kontingjent prej rreth 100 ushtarësh në Kosovë, në kuadër të Forcës së NATO-s (KFOR) .

Në ceremoninë që do të fillojë në orën 11:00 në sheshin “Georgi Izmirliev” në Blagoevgrad, do të marrin pjesë edhe zyrtarë të lartë të Ministrisë së Mbrojtjes së Bullgarisë.

“Rreth 100 pjesëtarë të shërbimit ushtarak, kryesisht nga Komanda e Brigadës së 3-të në Blagoevgrad, do të dislokohen për operacionet e Forcës së NATO-s në Kosovë.

Kontingjenti i Bullgarisë do të angazhohet në aktivitete që synojnë të mbështesin përpjekjet për rivendosjen dhe ruajtjen e sigurisë në Kosovë”, raportoi agjencia bullgare e lajmeve “Novinite”.

Kujtojmë se ditën e djeshme edhe Kraocia dërgoi kontingjentin e 41-të të Forcave të Armatosura Kroate (HRVCON) në operacionin paqeruajtës të KFOR-it në Kosovë.

Kontingjenti përbëhet nga pjesëtarë të Këmbësorisë së Motorizuar, të Njësitit të Aviacionit, Njësitit ISR, Njësitit të Shtabit, elementë të mbështetjes logjistike dhe inteligjencës dhe ekipit mjekësor. /Reporteri.net/

Kroacia dërgoi një kontingjent shtesë ushtarësh në Kosovë, ministri kroat: Situata e sigurisë nuk është ajo që do të dëshironim të ishte