Mëngjesin e sotëm ka ndodhur një vetaksident në rrugën “1 Tetori” në lagjen Velania në Prishtinë.

Rastin e ka konfirmuar për gazetën online Reporteri.net, zëdhënësja e policisë për rajonin e Prishtinës, Flora Ahmeti.

E njëjta ka bërë të ditur se si pasojë e aksidentit është lënduar një person.

“Rreth orës 09:30, kemi pranuar informatën për një aksident në rrugën 1 Tetori, në Prishtinë. Në aksident është e përfshirë një veturë. Si pasojë e aksidentit është lënduar një person”, tha Ahmeti për Reporteri.net.