Kuvendi i Kosovës ka miratuar Projektligjin për ratifikimin e Marrëveshjes për njohjen e kualifikimeve profesionale për infermier, kirurg veterinar, farmacist dhe mami në kontekstin e Marrëveshjes së tregtisë të lirë të Evropës Qendrore.

Po ashtu në këtë seancë është miratuar edhe Projektligji nr.08/L-303 për ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim.

Seanca e Kuvendit është duke vazhduar.

Marrëveshjet ndërkombëtare kanë mbetur tash e një kohë të gjatë të pa miratuara. Por zhbllokimi u bë javën e kaluar, kur kandidati për kryeministër i PDK-së, Bedri Hamza bëri të ditur se kjo parti do t’i votojë Marrëveshjet Ndërkombëtare.

Zhbllokimi i votimit të këtyre Marrëveshjeve Ndërkombëtare vjen pas takimit të javës së kaluar që patën kryeministri Albin Kurti dhe kryetari i PDK-së, Memli Krasniqi, e ku u bisedua për çështjet legjislative dhe për mundësinë e shkuarjes së vendit në zgjedhje. /Reporteri.net/

PDK-ja ia plotëson kushtin Kurtit, do t’i votojë marrëveshjet ndërkombëtare