Gjykata Ndërkombëtare e Drejtësisë ka marrë vendim se Izraeli duhet të ndalojë ofensivën ushtarake në qytetin Rafah të Gazës, raporton BBC.

Afrika e Jugut ii ka kërkuar GJND-së që të urdhërojë masën emergjente, duke u arsyetuar se ofensiva e Izraelit në Rafah është operacion “gjenocidal” dhe kërcënon mbijetesën e popullit palestinez.

Izraeli më parë ka deklaruar se ofensiva në Rafah është kyç në mposhtjen e Hamasit, përcjell gazeta online Reporteri.net.

GJND-ja mund të marrë vendime ligjërisht të obligueshme në rastet mes shteteve, mirëpo ka shumë pak mundësi që të detyrojë realizimin e urdhrave.