Presidenti rus, Vladimir Putin ka deklaruar të premten se homologu i tij ukrainas, Volodymyr Zelenskyy nuk ka legjitimitet pasi i ka skaduar mandati pesë vjeçar, raporton Reuters.

Ai ka thënë se pushteti i Zelenskyyt do të ishte pengesë ligjore nëse Rusia dhe Ukraina vazhdojnë bisedimet e paqes, përcjell gazeta online Reporteri.net.

Për shkak të gjendjes së jashtëzakonshme nga lufta me Rusinë, Zelenskyy nuk ka mbajtur zgjedhje ani pse i ka skaduar mandati. Të gjithë në Ukrainë janë të pajtimit se është vendimi i duhur në kohë lufte.

Ndërkaq, Putini është shprehur i gatshëm të ndalë luftën në Ukrainë nëse negociohet armëpushimi me të cilin do të njiheshin vijat aktuale të frontit të luftës, ka raportuar agjencia e lajmeve Reuters, duke përmenduar katër burgime.

Reuters: Putini kërkon armëpushim në Ukrainë

Mirëpo në një konferencë gjatë vizitës në Bjellorusi, Putini ka thënë se statusi i Zelenskyyt është problematik.

“Por me kë të negociojmë? Kjo është pyetja… natyrisht se e dimë se legjitimiteti i kryetarit të shtetit ka marrë fund”, ka thënë Putini.