Autoritetet palestineze kanë njoftuar se të paktën 35 persona kanë mbetur të vrarë nga bombardimi i disa tendave në qytetin jugor Rafah në Gaza, raporton Associated Press.

Një numër i madh i palestinezëve janë ngujuar nëpër gërmadha, ka njoftuar ministria palestineze e Shëndetësisë, përcjell gazeta online Reporteri.net.

Shumica e të vdekurve janë gra dhe fëmijë.

Bombardimi ka ndodhur vetëm dy ditë pasi Gjykata Ndërkombëtare e Drejtësisë urdhëroi Izraelin që të ndalte ofensivën ushtarake në Rafah. Në këtë qytet janë strehuar më shumë se gjysma e 2.3 milionë palestinezëve. Numri i banorëve është shumëfishuar kur Izraeli nisi luftën ndaj Hamasit në Gaza.

Më shumë se një milion prej tyre jetojnë nëpër tenda.