Kryeministri i Indisë, Narendra Modi ka shpallur fitoren në zgjedhjet e shtetit, ani pse aleanca e tij nuk ka mundur të siguronte 400 ulëse ashtu siç ka parashikuar, raporton BBC.

Aleanca e tij BJP është duke prirë me më pak se 300 ulëse, teksa partitë opozitare kanë siguruar 230 ulëse.

Partia ose aleanca që fiton më shumë se 272 nga 543 ulëset e parlamentit, mund të formojë qeverinë.

“Populli ka vendosur besimin në NDA-në (Aleanca Kombëtare Demokratike) për herë të tretë me radhë”, ka shkruar Modi në X.

Zgjedhjet më të mëdha në botë janë mbajtur në shtatë faza gjatë gjashtë javëve.

Gati 1 miliard njerëz ishin regjistruar për të votuar.