Ishte 24 marsi i vitit 1999 kur NATO nisi avionët luftarakë drejt bombardimit të ish-Jugosllavisë, të cilat kulmuan me çlirimin e Kosovës, qershorin e atij viti – fiks para 25 viteve.

Bombardimet mbi ish-Jugosllavinë, 25 vite më parë nuk ishin të përbëra nga armët e sofistikuara që u përdorën për të ndalur agresionin e Serbisë ndaj një popullate të pafajshme.

Një nga armët më të sofistikuara që u përdorën për këto bombardime janë raketat e njohura amerikane, Tomahawk.

Poashtu janë përdorur edhe raketat Cruise, raket të cilat përdoren për të bombarduar caqet që ndodhen në distanca të largëta. Avionët britanikë “Harrier”, nga një familje e avionëve britanikë që përdoret për operacione të tilla, bartën bombat nga bazat italiane. Pamjet e tyre i kishte publikuar agjencia e lajmeve “Associated Press”, dhe gjenden në arkiva të internetit edhe sot si dëshmi me zë e figurë.

Në të njëjtën kohë kur avionët po niseshin nga bazat e NATO-s në Itali atë të enjte, më 24 mars 1999, në mbrëmje, katër anije luftarake në Adriatik nisën raketat Tomahawk.

Një total prej nëntë avionësh u larguan nga Italia e veriut së bashku me katër bombardues të SHBA-ve, B-52 u nisën nga Anglia perëndimore të premten. Tetë aeroplanë nga Skuadra nr. 1 e Forcës Ajrore Mbretërore Britanike (R-A-F) ishin vendosur në Itali për një muaj. Avionët Harrier që u vendosën mbi Serbinë janë veçanërisht të efektshëm në misionet e bombardimeve që kryhen në errësirë./Reporteri.net/