Një person ka humbur jetën dje pasdite në Rahovec si pasojë e lëndimeve të rënda që mori pasi dyshohet se u godit nga një traktor, raporton Gazeta Online Reporteri.net.

Policia e Kosovës njofton se shoferi që po drejtonte traktorin, dyshohet se nga pakujdesia ka goditur viktimën duke i shkaktuar atij lëndime të rënda trupore.

Vdekja e viktimës është konstatuar nga ekipi mjekësor në Spitalin Rajonal ‘Isa Grezda’ në Gjakovë.

“Raportohet se i dyshuari mashkull kosovar duke lëvizur mbrapa me traktor, dyshohet se nga pakujdesia ka goditur viktimën mashkull kosovar duke i shkaktuar lëndime trupore. Viktima pasi ka arritur në spitalin e Gjakovës ka ndërruar jetë, ku vdekjen e tij e ka konstatuar ekipi mjekësor”, thuhet në raport.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti është cilësuar ‘Shkaktim i rrezikut të përgjithshëm’.