Kryeministri i Kosovës, Albin Kurti i ka shprehur ngushëllime familjarëve të profesorit Sylë TahirSylaji i cili vdiq ditën e djeshme, shkruan Reporteri.net.
Në një postim në Facebook, Kurti ka treguar se dy vite më parë ka vizituar Kullën e kësaj familje në fshatin Isniq, e ku thekson se bisedat me profesorin Sylë Tahirsylaj i ka pasur të gjata.
“Kontributi i tij në fushën e metereologjisë në Kosovë dhe për Universitetin e Prishtinës si akademik, do të mbetet i paharrueshëm. Baca Sylë, ishte një shpirt luftarak, që i rezistoi kohës dhe na mbushte plot energji e pozitivitet”, shkroi mes tjerash ai.
Postimi i plotë:
Kullën e familjes Tahirsylaj në fshatin Isniq e vizituam në tetorin e para dy viteve. Bisedat me Prof. Dr. Sylë Tahirsylaj i patëm të gjata e mbresëlënëse.
Kontributi i tij në fushën e metereologjisë në Kosovë dhe për Universitetin e Prishtinës si akademik, do të mbetet i paharrueshëm. Baca Sylë, ishte një shpirt luftarak, që i rezistoi kohës dhe na mbushte plot energji e pozitivitet.
Lajmi për ndarjen e tij nga jeta na pikëlloi thellë. Do ta kujtojmë përherë përkushtimin për punën dhe dashamirësinë e tij.
Ngushëllimet më të sinqerta për familjen Tahirsylaj, për më të dashurin tuaj. Bacën Sylë do ta kujtojmë për jetë e mot!