Komuna e Podujevës ka njoftuar se do ta emërtojë një rrugë në qytet me emrin e ish-eurodeputetes, Doris Pack.

Ceremonia  do të mbahet sot në orën 14:00.

Sipas njoftimit, në këtë ceremoni pritet të marrin pjesë kryetari i Podujevës, Shpejtim Bulliqi dhe ish-eurodeputetja, Doris Pack.

Ish-eurodeputetja Pack do të qëndrojë tri ditë dhe do të ketë takime me këshilltarë komunalë, gratë e Podujevës, me ish-të burgosurit politikë të Llapit dhe personalitete te tjera të kësaj komune. Doris Pack do të shpallet edhe qytetare nderi e kësaj komune.