Policia e Kosovës u ka dëshiruar mirëseardhje të gjithë bashkatdhetarëve që po vijnë në Kosovë për pushimet verore.

Bashkë me urimin e mirëseardhjes, Policia ka lëshuar edhe një apel për ta, duke u kërkuar që të respektojnë rregullat e trafikut për sigurinë e tyre dhe të familjeve.

Në apel, Policia ka bashkëngjitur edhe gjobat për secilën shkelje të rregullave të trafikut, siç parashikohen me Ligjin e ri të trafikut.

Më 3 prill ka hyrë në  fuqi Ligji i ri për trafikun rrugor, ligj ky që parasheh masa dhe gjoba të ashpra për shkelësit e rregullave në komunikacion, duke filluar nga 20 euro deri në 6 mijë euro. /Reporteri.net/