Me vetëm katër muaj deri në zgjedhjet presidenciale në Shtetet e Bashkuara të Amerikës, është ende e paqartë se kush do të jetë personi që do të përballet me Donald Trump.

Pasi presidenti Joe Biden njoftoi se nuk do të kandidojë më, Partia Demokratike ka filluar të bashkohet rreth Kamala Harris – raportet sugjerojnë se donacionet publike për të kanë arritur gati 50 milionë dollarë (38.7 milion £) brenda natës, shkruan BBC, transmeton Reporteri.net.

Megjithatë, nuk ka asnjë garancë se ajo do të nominohet.

Në mënyrë domethënëse, ish-presidenti Barack Obama tha se kishte “besim të jashtëzakonshëm” se liderët e partive “do të jenë në gjendje të krijojnë një proces nga i cili do të dalë një kandidat i shquar”. Kjo mund të ndodhë në Konventën Kombëtare Demokratike (DNC) në gusht.

Por, kjo do të krijonte më shumë javë përleshjeje dhe pasigurie për demokratët, të cilët janë të prirur të projektojnë unitetin pas dy muajve kaotik të fundit.

Harris do të shfaqet në një ngjarje të paracaktuar në Shtëpinë e Bardhë më vonë sot, ndërsa Presidenti Biden mbetet në shtëpi në Delaware duke u shëruar nga Covid-19./Reporteri.net/.

Kamala Harrisit i shtohet mbështetja e demokratëve kryesorë, pas dorëheqjes së Bidenit