Familja Rajman, një nga familjet më të pasura gjermane të biznesit, përkrahu me gjithë zemër nazistët gjatë sundimit të socializmit kombëtar dhe përdori punën e detyruar për robërit e luftës, shkruan Bild am zontag, transmeton Reporteri.net

 Gjegjësisht, Bild am zontag shkruan se në bazë të disa dokumenteve të reja të zbuluara,  babai dhe djali i familjes Rajman  përdorën civilët rusë dhe të burgosurit francezë të luftës për punë të detyruar.

Pas publikimet këtyre zbulimeve, trashëgimtarët nuk e fshehin faktin se ishin të përfshirë në këto krime dhe njoftuan  se do të dhurojnë 10 milionë euro bamirësi.

Zëdhënësi i familjes Peter Harf, i cili kryeson kompaninë Rajman JAB, konfirmoi se akuzat e Bild janë të sakta, shkruan AP.

Ai tha se familja nuk ka folur kurrë për epokën naziste, por provat tregojnë se babai dhe i biri të cilët tashmë nuk janë gjallë, meritonin të përfundonin në burg. Pasuria e familjes në pronësi të disa markave kryesore të botës si Jakobs, Kalgon, Vela dhe të tjerë vlerësohet në 33 miliardë euro./Reporteri.net