Braziliani i ri, Endrick është prezantuar sot si lojtar i Real Madridit, shkruan Reporteri.net.

Ai është prezantuar nga presidenti i Realit, Florentino Perez.

Ashtu si edhe Kylian Mbappe, edhe Endrick është prezantuar në “Santiago Bernabeu”.

Endrick do ta vesh fanellën me numrin 16.

Zyrtarizimi i sulmuesit brazilian u bë të dielën nga faqja zyrtare e gjigantit spanjoll të futbollit, 584 ditë pasi kishte nënshkruar për këtë skuadër.

Marrëveshja me Palmeirasin për të ishte mbyllur para më shumë se një vjet e gjysmë, por transferimi është shtyrë për t’iu përmbajtur rregullave të FIFA-s.