Loriana Kuka i dha fund sportit të xhudos menjëherë pasi mbylli aventurën e saj në Lojërat Olimpike “Paris 2024”.

Gjatë një interviste për Komitetin Olimpik të Kosovës, Kuka u shpreh shumë e lumtur që ka arritur ta fitoj një raund, pasi kjo ishte dita e fundit e saj si sportiste e xhudos

Po ashtu Kuka tregoi se në këto Lojëra Olimpike dhe shumë gara të tjera ka luajtur e lënduar.

“E kam nisur ditën shumë mirë jam kanë shumë e fokusuar. Jam shumë e lumtur që kam fituar luftën e parë, luftën e dytë fati nuk deshti të shkoja në çerekfinale

Kam garu me shumë lëndime, prandaj jam krenare çfarë kam arritur deri sot që s’jam ndalur deri sot.

“Po kjo ka qenë gara e fundit për mu, kam dashtë me përfundu më herët por jam krenare me çfarë kam arritur deri tash”, ka thënë Loriana Kuka

Kujtojmë që Kosova deri tani ka fituar dy medalje në “Paris 2024”, atë të bronztë dhe të argjendtë – pikërisht nga sporti i xhudos me Distria Krasniqin dhe Laura Fazliun.