Persona të armatosur kanë vrarë të paktën 22 persona në jugperëndim të Pakistanit, pasi i nxorën me forcë nga automjetet dhe kontrolluan identitetin e tyre, thonë zyrtarët.

Sulmi ndodhi gjatë natës në një autostradë në provincën Balochistan, ku forcat e sigurisë po luftojnë dhunën sektare, etnike dhe separatiste, raporton BBC, përcjell Gazeta online Reporteri.net.

Burrat e armatosur kontrolluan dokumentet eviktimave, thuhet se veçuan ata nga Punjab për t’i qëlluar, përpara se të vinin në flakë automjetet, pretenduan zyrtarët.

Ushtria Çlirimtare Baloch (BLA), një grup militant, ka marrë përgjegjësinë për sulmet në distriktin Musa Khel.

/Reporteri.net/.