Liverpooli e ka “shkatërruar” Manchester Unitedin në derbin e javës së tretë duke e mposhtur midis “Old Trafford-it”, me rezultat të thellë 3-0, shkruan Reporteri.net.
Pas kësaj ndeshje për Sky Sport ka folur ylli i “The Reds”, Salah i cili me golin e tij sot gëzoi tifozët e skuadrës së tij, por me deklaratën e dhënë pas ndeshjes ata sigurisht se do të mërizten jo pak.
Arsyeja është se egjiptiani Salah e ka paralajmëruar largimin nga “Anfield Road” në fund të këtij edicioni i cili sapo ka filluar, duke thënë se është viti i fundit në klubin e trofeshëm anglez.
“Është viti im i fundit në klub, dua ta shijoj. Mund të jetë hera ime e fundit në ‘Old Trafford’. Askush nuk ka ardhur tek unë në klub për një kontratë të re. Është ndeshja ime e fundit këtu me Liverpool-in”.
“Unë thjesht dua ta shijoj dhe nuk dua të mendoj për të, ndihem i lirë të luaj futboll dhe do të shohim se çfarë do të ndodhë vitin e ardhshëm”.
“Askush në klub nuk ka folur ende me mua për kontratat, kështu që unë kam thënë ‘OK, do të luaj sezonin tim të fundit dhe në fund do të shohim”.
I nxitur nga Daniel Sturridge për të qëndruar në Anfield përtej fundit të sezonit, Salah bëri presion mbi klubin për të zgjidhur situatën.
“Nuk varet nga unë, askush nuk ka folur me mua nga klubi, por do të shohim”, tha ai. /Reporteri.net/.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.